un empentiñ istorel hag etik

un arkitektouriezh dibar soñjet evit padout pell

Sellit a-dost… an istrerezh a gaver roud anezhañ en arkitektouriezh Ostreapolis zoken, hag er feson m’eo bet terket e ardremez.

Savet eo bet an ti get stummoù simpl hag hir ha get toennoù div bantenn gete. Hañval eo doc’h ur chanter istrerezh mes en douaroù. Get teol eo bet gwisket an talbenn reter. Get an dorn int bet razet, hervez un teknik kozh implijet get istrerion ar c’hornad.

Get beton kreginek eo bet savet al leurgêr. Krogennoù istr ac’h a d’ober 20% anezhañ. Dastumet int bet er Mor Bihan, e Tro-Park zoken evit lod anezhe. Ar seurt beton-se a c’hell bout treuzet aes get an dour, ar pezh a harz doc’h an dour-ruilh ha doc’h artifisielaat an douaroù. Ha seul vui a grogennoù a vez laket er beton, seul nebeutoc’h a draezh a vez implijet – un dra vat rak an traezh nend eo ket nevezadus.

ar savadur get sifroù

7448 teol naetaet hag adimplijet
532 dorkad get 14 teol e pep hini anezhe (7 teol berniet àr 2 renkennad)
Àr-hed un talbenn 35 metr a hirder ha 3,10m a uhelder.

EMPENTET GET AN ATALIER PHILIPPE MADEC

Yann Le Metayer, an arkitektour dibabet get Philippe Madec, en deus divizet sevel meur a damm ag ar greizenn displegiñ (framm, difuiñ, gwiskad) get koed. Savet eo bet ivez get danvezioù prizius ha bio a orin, abalamour da veriñ an avelerezh hag ar sklêrijenniñ en ur feson naturel. E-giz-se e tispign nebeud a energiezh. Gwiskad an ti a vihana e zilaoskadennoù gaz efed ti-gwer. E penn-kentañ miz Genver 2022 e oa komañset al labourioù.

Àr dreuzoù ar savadur e komañs ar weladenn, abalamour d’an dud da santiñ e-men ec’h int : tost emañ ar greizenn da div stêr, hani Pennerv hag hani Sarzhav. Get ar chal hag an dichal ec’h eus eno un aod-vev get plantoù dibar àrni. Kempennet eo bet a-ratozh ardremez Ostreapolis evit degas an aod-se da soñj d’an dud.

GWISKET AN TALBENN RETER GET TEOL RAZET

Hervez an hengoun eo bet kaset al labour-se da benn, asambl get ur savour istr ag ar vro. Ainsi, en une journée, 532 torkad teol zo bet razet get an dorn e-korf un devezh. Savet eo bet ar gwiskad a-ratozh evit ar savadur ha doc’h an teknik implijet get ar saverion istr. Ar feson naturel-se da labourat, get an dorn hepken, a ziskouez ec’h eus faotet deomp gober ur savadur etik ha padus, dezhañ un arkitektouriezh dibar.

PENAOS E VEZ RAZET

En XIXvet kantved e oa bet kavet teknik ar raziñ, abalamour da zispegiñ aes ar munus istr plat goude bout o faket.

Setu penaos e vez graet :

Sevel razh an torkadoù.
Soubiñ an torkadoù teol en ur gibellad raz get an dorn.
Sec’hiñ àr savenn ar chanter strerezh (48 eur da nebeutañ).
Un danvez naturel penn-da-benn ha bio a orin.
Teol gwisket get dour raz gwenn « pur ».
Un teknik artizanel kavet get an istrerion o-unan. Ur produ savet get an dorn hepken.
Gwenn-kann e chom an teol a-hed o buhez.

Get beton kreginek eo bet savet leurgêr Ostreapolis, un teknik nevez-flamm. Ar seurt beton-se a c’hell bout treuzet aes get an dour ha gwelloc’h eo evit an endro. Savet eo bet diàr krogennoù adimplijet ha dastumet get an istrerion.

Da gentañ e oa bet ur programm europat e meur a vro e 2020-2023 evit produiñ ur sort beton nevez, unan dizourus hag a c’hell bout savet àr al lec’h diàr restajoù kreginek. Get chañchamant an hin hag astenn ar c’hêrioù en Europa eo pouezus meriñ mat an dourioù glav ha stourm doc’h an diruilhiñ. Sevel hentoù dizourus zo unan ag an diskoulmoù. Neoazh, ar mod ma saver an hentoù a vremañ a gas an danvezioù naturel da hesk (grouanajoù). Get ar programm europat-se e vez klasket diskoulmoù evit bihanaat an efedoù àr an endro en ur adimplij restajoù.

Ho pilhedoù enlinenn

Gweladenn glok

(Diskouezadegoù pad + berrbad)

Oadour 10€

Bugel 8€

Priz bihan 9€

Diskouezadeg pad

(Hep an diskouezadeg verrbad)

Oadour 7€

Bugel 5€

Priz bihan 6€

Diskouezadeg verrbad

(Hep an diskouezadeg pad)

Oadour 5€

Bugel 4€

Priz bihan 4€

Afer ho peus da vout aliet ?

Evit gouiet hiroc’h, kit e darempred get pare Ostreapolis : respont a ray deoc’h get plijadur, an abretañ ar gwellañ.