Ur raktres postiñ harpet get Mor Bihan Gwened Tolpad
Ostreapolis zo un aveadur sevenadurel ha touristel hag a zo bet soñjet evit displegiñ ha talvoudekaat an istrerezh, ur filierenn ekonomikel hag ur chemet a-bouez en hor c’hornad. A-gaoz da se eo bet empentet ar greizenn displegiñ evit razh an dud : an dud é chom er vro koulz hag an douristed, ar skoliaded koulz hag an dud a vicher.
Savet eo an ti en-dro da 3 fol
- Ur pol « anavout » : diskouezadegoù, abadennoù, atalieroù pedagogel... Roiñ a ra alc'hwezioù evit kompren an istrerezh dre un hentad-anavout hag a laka ar weladennerion da vout lod en o gweladenn, dre ar fromoù peurgetket. Get an diskouezadegoù berrbad e c’heller kinnig produioù-mor arall ha temoù arall.
- Ur pol gastronomiezh : emgavioù, atalieroù, kentelioù… Emglevioù zo bet skoulmet get pennoù pretioù ag ar c’hornad evit aoziñ atalieroù keginiñ hag abadennoù a bep sort.
- Ur pol enklask : : kaozeadegoù-predegennoù àr ar sujedoù pennañ àr an aod (degemer skianterion, studierion é labourat àr un dezenn, arbennigerion…) ; ur pol studiiñ ha stummiñ evit an dud a vicher ; ur greizenn danvez evit ar studierion, ar glaskerion…
un aveadur dibar ha nevezus en-dro d’an istr
Ar palioù :
● Brudiñ hag harpiñ ur filierenn ekonomikel a-bouez ag ar c’hornad : an istrerezh.
● Roiñ dedenn d’ar vro, ha sachiñ touristed a-hed ar blez da Greisteiz Breizh – Mor Bihan.
● Digoriñ ul lec’h kendivizout evit ar strollegezhioù, an dud a vicher, an ensavadurioù hag ar skianterion, àr dalc’hoù ar filierenn ha daeoù àrc’hoazh.
● Lakat àr wel an dud ag ar vro a zo stag o labour doc’h ekoreizhiad ar mor
● Digoriñ ur greizenn danvez, arnodiñ ha neveziñ àr dachenn ar c’hlaskerezh hag an diorren.
● Sachiñ evezh an dud àr an emzalc’hioù mat àr an aod.
ar budjed istimet
3,8 M € PTM eo koustet an holl labourioù (terkadurioù diavaez, savadur, leurenniñ an diskouezadeg-pad). Skoaziadoù zo bet resevet get Unaniezh Europa, ar Stad, ar Rannvro hag an Departamant. Evit lakat al leurennaoziñ àr sav ec’h eus bet tapet ur skoaziad difer get Unaniezh Europa dre ur font FEAMP (Font europat evit an aferioù mor hag ar pesketa).
Afer ho peus da vout aliet ?
Evit gouiet hiroc’h, kit e darempred get pare Ostreapolis : respont a ray deoc’h get plijadur, an abretañ ar gwellañ.