Ostréapolis
Gober anavedigezh get puilhentez an istrerezh
Donemat en ho kreizenn displegiñ a-zivout an istrererezh hag ar boued mor, ijinet hag empentet evit an dud a gar an natur. En Ostreapolis e c’helloc’h intentiñ doc’h sekredoù an istrerezh, a zo bravig ar Mor Bihan, dre diskouezadegoù dedennus-bras, c’hoarioù etreoberiat abadennoù kendiviz hag atalieroù deskiñ.
Get an diskouezadeg-pad…
Tostait ha selaouit ar saverion doc’h ar stern : setu c’hwi e-kreizig-kreiz an istrerezh ! Sellet e vez doc’h kresk an istr, ag al larvennoù d’ar munus. Kaset e vez ur gobar e-kreiz ar parkoù istrerezh. Touchet e vez pochoù istr… ha desket e vez digoriñ istr zoken. Kontet e vo deoc’h mil ha mil buhez an istr.
ober anavedigezh get an istr
Diskouezadegoù, abadennoù, atalieroù pedagogel…
An istrerezh, ur chemet arouezius ag ar Mor Bihan… hag ul labour pouezus-tre e Tro-Park ! Evit kompren al labour-se ec’h eus bet savet un hentad-anavout dre soubidigezh ho lakay da veviñ ur gwir avantur ha da vout lod en ho kweladenn.
Stalioù keginiñ
Deskiñ alejiñ istr ha boued-mor e-pad ur stal kaset en-dro get ur penn-keginour.
Atalieroù evit ar re vras hag ar re vihan
Atalieroù krouiñ dre soubidigezh evit ar re vras hag ar re vihan. Splujiñ e bed an istrerezh ha bevliessorted ar mor.
Gweladennoù heñchet
Ambrouget e vioc’h dre un hentad-anavout ho fromo a-dra-sur. Un droiad iodet evit anavout an istrerezh en hor c’hornad.
Mor bras : splujit en don ag Europa c’hlas
E 2024 ec’h eus degemeret un diskouezadeg verrbad en Ostreapolis, « Mor bras : ur splujadenn 360° en don ag Europa c’hlas » hec’h anv. Get an diskouezadeg-se ec’h eus kinniget un taol-arnod dre diabarzh ar mor bras, a zo glad mor Frañs hag Europa. Leurennaozet eo bet an diskouezadeg get Consult’Océan hag Oc&aïa, ha kenbroduet get Océan ha Climat GEDEON Programmes.
Afer ho peus da vout aliet ?
Evit gouiet hiroc’h, kit e darempred get pare Ostreapolis : respont a ray deoc’h get plijadur, an abretañ ar gwellañ.